☆كثر الحديث في مواقع التواصل الاجتماعي وفي الجرائد الالكترونية عن ما يسمى بالفياجرا النسائية او الوردية واللي اسمها العلمى #filbanserin.
☆الحقيقة ان الدواء ده مش جديد واصلا في بداية تصنيعة كان الغرض منه انه يستخدم كمضاد اكتئاب ولكن في 2010 قالوا ان ممكن يتسخدموه في ال Hypoactive sexual desire disorder يعني يستخدم لزيادة الرغبه الجنسية عند السيدات وفعلا اخد موافقة من هيئة الغذاء والدواء الامريكية في 2010 ولكن بعد كده اتسحبت الموافقة وفضل عليه اختلاف الى ان اخد الموافقة في 2015 ويقال انه مش هينزل الاسواق غير في 2017.
☆اولا مش عايزين نعقد امال كبيرة على الدواء وبرضه منقللش من شأئنه...ولكن انا عايز اقولك ان الدواء ده لا يمت بصلة باقراص الفياجرا بتاعت الرجال ...الدواء مش بيشتغل بضخ الدم زي الفياجرا الرجالي ولكن بيشتغل على بعض ال neurotransmitters اللي موجوده في المخ ...واطلقوا عليه مسمى الفياجرا الوردية او النسائيه كاسم مجازى
☆الدواء ده شغال على neurotransmitters اللي هي الدوبامين والسيروتونين والايبنيفرين ومش مهم نعرف اكتر من كده لان طريقه عملة غير معروفة بالظبط..
☆الدواء ده بيستخدم لزيادة الرغبة الجنسية عند السيدات والابحاث بتقول ان بيزودها بمعدل 6 الى 8 مرات في الشهر عن الطبيعي يمعنى لو السيدة عندها رغبه في عمل جماع 8 مرات في الشهر ..فال filbanserin بيخلى رغبتها 14 الى 16 مرة في الشهر .
☆جرعة الدواء 100مجم قبل النوم يوميا والابحاث اللي اتعملت بتقول ان مدة العلاج 24 اسبوع ولكن لو الدواء لم يظهر اي فاعلية في اول 8 اسابيع فنوقفه لانه كده ملوش فايده للمريض ده.
☆هيئة الغداء والدواء الامريكية حذرت ان الدواء ده ممكن يسبب اغماء او هبوط في ضغط الدم وبالاخص لو السيدة اللي بتستخدمة بتشرب كحوليات وبما ان مجتمعنا الشرقي مفهوش سيدات كتيير بتشرب كحول ..فاحنا مش هنخاف من الاثر الجانبي ده ولكن يوجود بعض الادوية ممكن لو المريضه بتاخدها مع الدواء ده تساعد في حدوث الاثر ده زي دواء ال diflucan اللي بيحتوى على fluconazole .
☆وبرضه من اثارة الجانبية الاخرى الشعور بالاعياء والرغبة في النوم وده نتيجه عملة على السيروتونين ولذلك زي ما قلنا فوق انه يستخدم قبل النوم لتفادى الاثار الجانبية..
☆اخر حاجه هقولها ان الدواء ده مش بيستخدم عند اللزوم زي الفياجرا الرجالي ولكن بيستخدم بوميا زي ما ذكرت فوق.
#الكاتب:دكتور حازم محمد
ليست هناك تعليقات:
إرسال تعليق